Gelding’a khoh

Israel lhunmasang’a Gelding’a khoh:

  • Israel hi Middle-East sung’a um ahi, hilaiya chondan hohi mijouse’a ding ahipoi. Mi hohi ajangpet-pet (tichu direct) a thusei mi ahiuvin, thu olsei umlouva pentho ahiuve. Eiho lang’a mi apenteng, alunghang ham ahilouleh gamlatah’a um mi akou tilouvin koima apengpoi. Hilai muna umho hi thu aseijong leu apentho uvin ahi. Aphatna chu ahileh, itobang mi nahim ti nakihetdoh theiyin, asetna chu ahileh, hitobang hohi eihon ithoh joulou maithei u ahi. 
  • Thil manjouse, inn choh man, Loan adang-dang hohi, Dollar toh kimat’a aman kikaijingjeng ahi. 
  • Pao ihetkhahlouna mun maimai hilouvin, athumal thucheng kijihdan jong achombeh’a aumna gam ahi, hiche hi thilbai vang ahipoi. 
  • Israel gama chending kiti hi itobang’a bitna umem? Newspaper ho ivetleh Israel kiseisetna jeng, thuphalou jeng ahi. Hiche chu akichaina a lahlou ding ahi, ajeh chu “Thupha kiti sang’a thuphalou hi min asimnojoh jeh ahi” tia lah ngai ahitai. 
  • India gama nomtah’a sum ijat hamkhat, na tonglouva kinei thei ahi, adeh’a Govt. service neihon  Israel nalhung teng uleh, chomkhat vang lung opkaitah dinmuna nadin diuvin kiging jing un. 
  • Gamdap gama hung kipan nahileh, asathoh din kiging in. 
  • Lawyer tamna gam ahi, lawyer chu itobang miham ti ihesuoh kei uve, hinlah lawyer jaolouva ima kibolthei ahiloujeh in, itobang lawyer to hinkho namankhom ding ham, kigel phat ahi. 
  • Nahetna ichana sang’em, ti hitalouvin, Koi-koi nakihetpi um tijoh hin nahinkho asemjang thei ding ahi. Milen-milal kihahetpin. 
  • Car accident naheiya, nangma mitmo ahipoi ti nahet jongleh, Court case nakai ding kiging in. 
  • Israel’a hapta sung’a nikho masapen hi Sunday ahi, Sunday nikho hi natoh nikho ahi ti hejing in. 
  • Israel hi Jews te gam ahi, ahivang in Jewish te chondan leh torah dungjuiya hinkho hi mijousen amandingin gel hih in. Mijouse hi hougut ahipoi, Jewish chondan dunjuiya hinkho mang alhom’e.